不少人夫仍會給家用予太太，以應付家庭的日常開支。有新婚人夫則在網上發文指，夫婦兩人亦有正職，廣問其他人夫「仲要每個月畀固定家用老婆喺香港屬於正常情況？」
該名人夫在香港討論區以「各有正職，結左婚要比家用老婆？」為題發文，指自己剛結婚，而自己與太太亦有正職，除了各自向自己父母畀家用以外，「老婆話需要再額外每個月畀家用佢」。他因此在文中詢問其他人夫「乜大家各有正職，而且屋企好多洗費已經係我出，但仲要每個月畀固定家用老婆喺香港屬於正常情況？」
相關帖文隨即引起熱議，有網民認為屬於正常，並指「咁屋企唔洗用錢？」、「好正常，仲要畀埋外家嘅家用」、「家用畀父母，再畀家用老婆⋯⋯好正常啫，冇本事唔好結婚」、「其實都正常嘅，老婆嘛用嚟錫，做男人可以蝕底少少，不過前題係要同佢傾畀多少，太過分咁又唔得喎，最緊要自己承擔到就得」等。有人則直言，「嘩！呢條問題好X街！咁都問得出！」、「你唔想畀?各有正職唔係理由喎」等。
有人則指，「如兩人都有工作，兩人各用人工的50%作家庭支出」、「我覺得真係冇定，你估去飲做人情咁有標準價咩」、「大家傾吓囉」、「如果大家搵嘅錢都差唔多，屋企的生活開支共同承擔，再唔係大家入錢落一個共同戶口用來交費買餸」等。另外，有人則笑言，「要，老婆要儲私己$」、「要畀，但你可以試下唔好畀睇下會點」等。
帖文來源：香港討論區
資料來源：星島日報
Email: advertising@jobmarket.com.hk
Email: enquiry@jobmarket.com.hk
